Demagogos


Iago.D. Castro

A actual campaña da Conferencia Episcopal contra o aborto, especialmente agresiva, ven demostrar como a xerarquía católica, ademais de dogmática, intolerante e indecente, estase a volver particularmente demagóxica.

Á vista da escasa catadura moral de moitos relixiosos, por suposto non maioritarios pero si significativos, envoltos en tristes casos de pederastia e abusos de todo tipo, resístome a facer a chanza fácil, demasiado cruel para coas vítimas. Pero, ese é o respecto que predican para cos máis inocentes? Só lles interesa a vida intrauterina, e non a das súas vítimas?

Dúas reflexións, nada máis: é nisto no que gastan o 0,7 % do IRPF, en impór a súa particular visión das cousas? E por que se cren no dereito de facer tal cousa? Moitos, se cadra a maioría da nosa sociedade, católicos incluídos, non admitimos leccións éticas ou morais de vostedes, como ben saben.

E menos aínda se á demagoxia lle suman a irresponsabilidade: a santo de que, nunca mellor dito, o Papa Ratzinger vai a África, continente especialmente castigado pola SIDA, a dicir que o uso do preservativo non só non frea a expansión da enfermidade senón que a agrava? É que desexa o extermínio de todo un continente? Acaso os seus antecedentes xuvenís nas Hitlerjugend teñen algo que ver?

E a todo isto, que lles fixo a vostedes o pobre lince ibérico? Por certo, o bicho que utilizan na súa campaña non é un lince ibérico, senón boreal, unha especie que non existe na Península Ibérica. Santa ignorancia...

21/03/2009

19 comentários :

  • Iago,

    Realmente fas un artigo ao que se lle pode achacar todo o que criticas.

    Dogmático, intolerante e demagóxico.

    09:58 do 23 de marzo de 2009

  • A relixión católica, como todas, son capaces de adaptarse ó medio cal se foran camaleóns, haí radica a súa forza; unha vez instalados nun pais con maioría de católicos e cando demostran a súa faciana máis radical, coa intención así mesmo de que nas eleccións o voto vaia dirixido con quenes están con eles, tanto é así que o 0,7%, que non é unha cantidade pequena, vai a aumentar ainda máis as contas, que non son tan "correntes", deles.
    Eu ainda lembro como a Franco lle outorgaron a mesma categoría que Deus, cando decidiron levalo baixo Palio como o seu máximo representante.
    En todo caso, católicos ou non, maioritariamente a xente opta pola súa convicción, que normalmente non se corresponde coa deles.
    As relixións non son boas conselleiras.

    FENDETESTAS

    14:01 do 23 de marzo de 2009

  • Como se pode insinuar o que ti, que a igrexa non pode opinar sobre o aborto porque ten casos de pederastia, mesmo queres deixar caer que lles deixen nacer para que os curas abusen deles, non é xa falta de argumentación senón falta de estatura moral o que se nota neste señor.

    La santa compaña

    23:31 do 23 de marzo de 2009

  • Triste é o cantar que cantamos, triste é. Rosalía, estes son os que tocaban as campás de Bastabales, as que te enchían de soidade. A relixión é o opio do pobo, sen máis.

    11:15 do 24 de marzo de 2009

  • Como calquera que critique á igrexa, Iago, vas levar máis leña que unha locomotora das vellas...
    Mais non deixas de ter razón: O mesmo bispo das Forças Armadas portuguesas, Monseñor Januário Torgal, acaba de declarar ao xornal Publico que "é claro que há circunstâncias, e do ponto de vista médico não tenho qualquer dúvida, em que proibir o preservativo é consentir na morte de muitas pessoas". Dixo, ademais, que "as pessoas que estão aconselhar o Papa deveriam ser mais cultas".
    Respeito ao tema do aborto, a igrexa católica debería limitarse a impartir o seu maxisterio aos seus fieis. Non poden pretender ser a referencia moral para todos. Que non aborten os católicos, se non queren.
    E respecto á cuestión da pederastia, é curioso que só pidan perdón despois de perderen os xuízos nos EEUU. Pero noutros países tamén se deron casos, incluída a catolicísima España, e non vimos a Rouco Varela pedir perdón ás vítimas, que son moitas.

    Fernando

    12:53 do 24 de marzo de 2009

  • Mira que es burricán fernando, como se pode dicir que a igrexa prohiba abortar só aos católicos, é coma se o estado español prohibise violar só aos españois. Non coñeces nin a existencia do dereito natural e pretendes acoutar a xurisdición da igrexa só aos seus fieis. Se todos o prol-abortistas razoades así desde logo que tedes pouco que facer.

    La santa compaña

    15:48 do 24 de marzo de 2009

  • SANTA COMPAÑA,ou ben eres un membro da igrexa, ou eres BEAT@ con moita fé; pois non se poden defender certas posturas da igrexa católica, e menos cando se trata de casos como o do Aborto.Hai tempo escoitei unha frase referente a este caso que se me quedou e que dí así: Si os Obispos pariran o Aborto sería legal, e deixo o tema.
    Dende outros prismas, tamén é cousa ben dificil o defender os postulados eclesiásticos, si nos atemos ó Dereito Natural que tí apelas, coido que non salerias moi ben parado, xa de feito O Dereito Positivo anula o anterior,estás a falar por tanto de algo desfasado no tempo ó igual que a Igrexa Católica que semella que anda para atrás, no lugar de ir cara a Defensa da Humanidade dende os Evanxelios mirados de xeito positivo.Non se deben usar as Relixións para lanzar mensaxes como arma electoral definida cara a dereita.Nin cara a dereita nin cara a esquerda.
    Que os Católicos e resto de relixións prediquen a súa filosofia
    a traveso dos seus medios e que nos deixen tranquilos a aqueles que a nosa fé, é a de creer no que vemos e sobre elo ainda teriamos que falar dabondo.
    Non quero con esto menospreciar a aquelas persoas creentes, (que as hai, e moitas), simplesmente trato de dar unha opinión máis, e non entra nas miñas prioridades o discutir sobre temas que nunca chegariamos a ter acordos, xa non particulares sinón xenéricos.
    A Deus o que é de Deus, e aos demáis o que é noso, e non, o que é Teu e Meu e Meu, e o que é Meu é Meu e Meu.A BONDADE debería distinguir ós católicos.

    FENDETESTAS

    17:52 do 24 de marzo de 2009

  • Santa compaña: non se trata de insultar por insultar. Non é por nada, pero o iusnaturalismo está de capa caída desde o século XIX. É algo etéreo, onde os seus principais formuladores nin sequera se deron posto de acordo no seu contido. Herdeira daqueles esforzos é a Declaración dos Dereitos Humanos de 1948. O dereito é o meu campo de traballo e sei de que falo.
    Estás errado nunha cousa: a igrexa católica SI prohibe abortar aos seus fieis: de feito, a pena é a excomuñón. O que tratan de facer é extender aos non católicos, mediante o dereito positivo, as súas conviccións.
    E, si, pretendo acoutar a xurisdición da igrexa aos seus fieis, como é lóxico, natural e perfectamente razoable. A min que me deixen en paz.

    Fernando

    18:46 do 24 de marzo de 2009

  • Interesante artigo en
    http://www.elpais.com/articulo/opinion/Obispos/aborto/castidad/elpepiopi/20090324elpepiopi_11/Tes

    11:31 do 25 de marzo de 2009

  • Discrepo con algúns comentarios, pero non con outros, mais coido que o malo non son as relixións. Non hai nada de malo en crer no máis alá, nunha vida logo desta, etc. A moita xente esto, e os ritos que o acompañan, dalle conforto e tranquilidade. O malo, digo, non son as relixións, senón o mal uso que fan delas dende sempre fundamentalmente moitas institucións vinculadas a elas e algúns xerarcas.
    Non hai nada de malo cando a relixión se circunscribe ao ámbito privado (pode ser ata envexábel para os que non cremos), pero si o hai cando se usan para amedrentar, manipular, enganar ou (véxanse moitas páxinas da Historia non sempre lonxana) facer guerras ou masacres ou amancebarse co poder imperante.

    21:37 do 25 de marzo de 2009

  • É incrible o nivel de argumentación que se gastan por aquí, resulta que se tes unha opinión é porque has de ser cura, pois non o son, mira probablemente non sexa nin católico, nin creyente, pero contrarrestar dicindo que o dereito natural está desfasado é demasiado, é como dicir que o tema da vida ou a morte o que conta é a moda.De moda falades polo patrón que vos marcan. ¿Que ten de actual abortar nun mundo onde existen todos os medios para non necesitalo?¿Ti cres que se a nós parécenos mal a pena de morte só podemos pedila para os nosos paisanos? se a igrexa cre que abortar é un asasinato deberá chamar asasinos aos que aborten sexan ou non católicos...
    Pero o que me segue parecendo aberrante é que neste medio consíntase que alguén insinúe que os curas condenan o aborto para que haxa máis nenos dos que abusar, ata como chiste é inaceptable. Fagamos un simple exercicio inverso: ¿Asinaría este Iago que os homosexuais queren adoptar para ter relacións sexuais cos seus adoptados?

    A santa compaña

    23:42 do 25 de marzo de 2009

  • Santa Compaña, o que andas é a manipular. Eu non vexo por ningures que o artigo diga o que ti dis que di. Mesmo di que non vai caír na broma fácil de facer o chiste. É acaso manipulando as opinións dos demais como tentas impór as túas? És un bo discípulo de Rouco Varela, meu.

    Fernando

    17:35 do 26 de marzo de 2009

  • Meu Deus!!! Tades todos tolos.

    21:12 do 26 de marzo de 2009

  • Fernando, es tan parvulo que non sabes que se pode dicir non dicindo, e mira que tes complexos, quen non pensa como ti, discípulo de rouco, viva a democracia

    santa compaña

    23:55 do 26 de marzo de 2009

  • O que eu dicía, a relixión eche o opio do pobo. Sen máis.

    10:09 do 27 de marzo de 2009

  • Santa Compaña: xa van dous insultos. O teu, como queda claro, non é o debate democrático, senón a descalificación gratuíta. Eu así non discuto máis. Que che seña leve...

    Fernando

    10:13 do 27 de marzo de 2009

  • O que non entendo eu da Igrexa e que, moito a favor do aborto, pero onde hai miles de nenos morrendo, como onde estivo o Papa, en Africa, dalles igual que morran ou non.Creo que esto chámase ser hipócrita.Ou manipular a opinión pública.Que lle dean os cartos, a esa xente que morre de fame, do que costou o traslado do Papa, claro que este quédase sin Publicidade.Que se poñan a traballar, que xa está ben de facer que son boas personas.

    FENDETESTAS

    10:37 do 27 de marzo de 2009

  • Fernando tómasme por parvo, chámasme manipulador e bo discípulo de rouco e logo acúsasme de insultar, ben que non discutas máis non estás para iso. E a fendetestas que se apunte a catequese porque de toda a vida foi a igrexa a única que se ocupou desas pobres almas famentas, moito antes de que nacesen esas ongs...

    santa compaña

    00:02 do 28 de marzo de 2009

  • Santa Compaña vai a facer o "Camiño" ou se che toca máis de perto, vai aos "Milagros", pero non por deporte, por motivos relixiosos e a er si expias as penas, que escribindo aquí non quedas tranquilo.
    Por certo dame nomes de a quen axudou a Igrexa, que eu saiba por estes lares non.E non son amigo de misa, nin tan siquera cantada, que é o teu.

    FENDETESTAS

    10:50 do 30 de marzo de 2009

Danos a túa opinión