A conciencia europea


Moncho Paz

A pasada noite comezou oficialmente a campaña para as eleccións ao Parlamento europeo do vindeiro 7 de xuño. E tamén o desfile de candidatos das distintas forzas políticas que concorren a estes comicios, que durante dúas semanas debatirán sobre economía, medidas sociais, dereitos, liberdades… e incluso se atreverán con sesudas análises sobre o papel de Europa no mundo.

Veremos se son capaces de entoar un mea culpa polas dificultades que está a atravesar o proceso de construción europea, en plena crise de conciencia, recuperando a expresión de Paul Hazard. É paradóxico que nestas campañas sempre se fale pouco de Europa, e moito dos problemas internos dos países integrantes. Este feito non contribúe precisamente a crear unha imaxe de unidade e tampouco permite avanzar hacia políticas comúns.

Mentres aquí os grandes partidos interpretan esta convocatoria en clave de primarias, resulta alentador que en países como Irlanda se produza un cambio de tendencia. A recesión é a principal causa, pois a idea dunha UE forte -con máis peso na balanza económica mundial- xera novas ilusións.

_________________________________________
Artigo publicado en Xornal de Galicia e www.xornal.com

22/05/2009

0 comentários :

Danos a túa opinión