Cursos da UIMP en Galicia

Redacción
Na presentación dos cursos da Universidade Internacional Menéndez Pelayo, o se director en Galicia, Xosé Luís Barreiro Rivas, estivo acompañado polo vicepresidente da Deputación e responsable da área de Cultura, Xosé Juan Durán, a vicerreitora da Universidade de Vigo Carme Cabeza e o vicerreitor de Coordinación de Centros da UIMP, Ángel Pelayo.

Neste acto sinalou que, como boa parte das universidades españolas, a UIMP anda nun proceso de reestruturación que consiste en eliminar pouco a pouco os cursos de verán co fin de organizar actividades durante todo o ano. Por iso, esta institución prevé pór en marcha posgraos e un segundo centro de idiomas en Galicia que terá como sede a cidade de Pontevedra.


Neste 2009 a UIMP desenvolve oito cursos (contando o celebrado recentemente en Gondomar sobre arqueoloxía) en Pontevedra. Todos eles abranguen un grande abano de temas, desde a ordenación do territorio ao protocolo, a crise económica ou a universidade do futuro.

O programa previsto vai como segue. Vigo vai ser a principal sede, con tres cursos: "A xestión do protocolo en tempos de crises: protocolo gobernamental, local e empresarial", do 24 ao 26 de xuño; "A crise económica internacional. Claves e retos para a economía galega", do 29 de xuño ao 3 de xullo; e "Xestión de residuos sólidos urbanos", do 14 ao 17 de xullo.

Lalín será escenario, entre o 22 e o 24 do próximo mes, do curso "Ordenar para competir", mentres que en Sanxenxo celebrarase do 27 ao 31 de xullo a monográfico "Tolerancia e intolerancia xurídica ao carón e a outro do Atlántico"; en Vilagarcía está previsto do 31 de agosto ao 4 de setembro un seminario xa clásico na programación da UIMP, dedicado a "A Universidade que nos espera".

"A crise da comunicación en tempos de recesión" é o título do curso que se celebrará no mosteiro de Aciveiro do 21 ao 22 de setembro e, finalmente, Pontevedra acollerá o curso sobre "A guerra da independencia en Galicia: derrota e vitoria (1808-1809)", do 21 ao 23 de setembro.

26/05/2009

0 comentários :

Danos a túa opinión