Exposición "En todas as partes" no CGAC

Redacción

A exposición En todas as partes estará no Centro Galego de Arte Contemporánea desde o 14 de maio até o 20 de setembro de 2009. Vertébrase mediante a aparición de distintas representacións do desexo e das diversas subxectividades que se enfrontan á norma e ao poder patriarcal e heterosexista e que deron nas décadas dos sesenta e setenta e aínda despóis valiosos exemplos na fotografía, na pintura, no debuxo, no vídeo, na instalación e noutras disciplinas. Conta entre os artistas incluidos cos nomes de Kutlug Ataman, Ron Athey, Charles Atlas, Leigh Bowery, Kaucyla Brooke, Bruce La Bruce, Tom Burr, Cabello / Carceller, Loren Cameron, Juan Davila, Del Lagrace Volcano, David Hockney, Robert Mapplethorpe, Jesús Martínez Oliva, Pepe Miralles, Donald Moffett, Wolfgang Tillmans, Azucena Vieites, Andy Warhol, etc.

O eixe central desta exposición, que ten coma comisario a Juan Vicente Aliaga, radica nas distintas representacións do concepto de diversidade sexual no terreo da arte desde 1969. Baixo esa denominación incluínte contémplanse principalmente as imaxes sobre a homosexualidade, o lesbianismo e as sexualidades e identificacións agrupadas habitualmente baixo o acrónimo LGBTQ (lesbiana, gay, bisexual, transexual ou transxénero e queer), que se pode completar co I referido ás persoas intersexuadas.


En 1969 (ano que aquí se toma coma referencia simbólica) organízase o movemento de liberación gay a raíz das protestas acaecidas a finais de xuño dese ano no bar Stonewall Inn na cidade de Nova York. Esta revolta contou desde o comezo coa participación de lesbianas, transexuais e travestidos, amén de homosexuais tendo en conta o influxo na arte e na cultura visual dos discursos da medicina e da ciencia, ademais de explorar cómo as repercusións sociais (co sida e a súa instrumentalización) ou no mundo das leis que tiveron, ou seguen tendo, estes colectivos. Así mesmo, é de suma importancia ser conscientes do tramado de visións e construcións culturais procedentes do cine, da literatura, da música, dos medios de comunicación.

O peso da arte nacida en Occidente (Estados Unidos, Alemaña, España, Gran Bretaña, Francia...) é sen dúbida significativo, pero tamén se atenderá á incorporación de propostas artísticas relativas a países onde as leis criminalizan, en distintos graos, a diferenza e a liberdade sexual (Irán, Turquía, A India, Palestina, O Líbano...).

25/05/2009

0 comentários :

Danos a túa opinión