Foro da Auga en Guitiriz

Redacción
O Concello de Guitiriz en colaboración coa Xunta de Galicia e coa empresa Idom, ao longo deste ano están a promover a participación cidadá no proceso de elaboración da Axenda 21 Local a través da organización de diferentes actividades dirixidas á poboación. Dentro destas inclúese o desenvolvemento de tres foros de sostibilidade que están compostos por charlas, exposicións e talleres. Por este motivo entre o 25 e o 31 de Maio terá lugar o Foro da Auga que incluirá os seguintes eventos:

- Exposición “Un Mundo de Auga” (da Xunta de Galicia) aberta ao público en xeral, situada na Casa Habanera en Guitiriz e que poderá ser visitada do 25 ao 31 de Maio.
- Charla Coloquio centrada no tema “Uso sostible da auga nos agroecosistemas” a cargo de Xan Neira, profesor da Universidade de Santiago de Compostela (Escola Politécnica de Lugo) e dirixida a todos os públicos. Levarase a cabo o Martes 26 de Maio ás 19:00h na Casa Habanera do concello de Guitiriz.
- Obradoiro sobre actividades tradicionais relacionadas coa temática da auga. Visita guiada a un muíño recuperado e con explicacións a cargo de persoal do propio concello. Está dirixido ao público en xeral, terá lugar o Martes 26 de Maio ás 17:00h e partirá da Casa Habanera.

26/05/2009

0 comentários :

Danos a túa opinión