Primeiro Comité de Xestión do Núcleo de Sostibilidade de Guitiriz


Redacción

O Concello de Guitiriz quere contribuír no proceso de creación dun municipio que sexa exemplo de crecemento económico e social, á vez que un modelo de respecto e protección do medio ambiente. Unha das principais actividades a desenvolver para conseguir estes obxectivos é a potenciación da participación cidadá.

Con tal motivo, mañá venres ás 17 horas -no Salón de Plenos da Casa do Concello- vaise constituír o Comité de Xestión do Núcleo. Este é o órgano consultivo da Axenda 21 Local, está integrado por representantes da administración local, dos distintos sectores económicos e de asociacións, entre outras organizacións. A súa función será propor, valorar e priorizar proxectos de mellora a levar a cabo no Núcleo de Sostibilidade Guitiriz durante os vindeiros anos co fin de potenciar o desenvolvemento sostible do municipio. O obxecto é impulsar a economía da zona e, ao mesmo tempo, cubrir as necesidades sociais da poboación e protexer o contorno.

14/05/2009

0 comentários :

Danos a túa opinión