Visita institucional ás obras do campo de fútbol de Parga


Redacción

O vicepresidente da Deputación de Lugo, Antón Bao, e a alcaldesa de Guitiriz, Regina Polín, visitaron esta mañá o estado das obras no campo de fútbol de Parga, que tiveron un orzamento total de 60.000 euros e consistiron no arranxo integral e optimización das instalacións adicadas a vestiarios. No decurso desta visita, Antón Bao explicou que estas obras se sufragaron a raíz dun compromiso adquirido conxuntamente coa anterior Dirección Xeral para o Deporte da Xunta de Galicia e co Concello de Guitiriz. O vicepresidente da Deputación explicou que a Área de Deportes do organismo provincial aportou para facer posible a realización destas obras a cantidade de 29.000 euros, mentres que a Xunta de Galicia contribuíu con 27.000 euros, correspondéndolle ao Concello de Guitiriz os restantes 10.000 euros.

27/05/2009

0 comentários :

Danos a túa opinión