Foro das enerxías na Axenda 21 Local de Guitiriz


Redacción

O Concello de Guitiriz, en colaboración coa Xunta de Galicia e a empresa Idom, está a promover ao longo deste ano a participación cidadá no proceso de elaboración da Axenda 21 Local, a través da organización de diferentes actividades dirixidas á poboación. Dentro destas inclúese o desenvolvemento de tres foros de sostibilidade que están compostos por charlas, mostras e talleres. Neste senso, a semana do 22 ao 27 de xuño de 2009 celebraráse en Guitiriz o denominado Foro das Enerxías e o Cambio Climático. Este será realizado en colaboración con Amigos da Terra e estará composto polas seguintes actividades:


-Exposición “O Cambio Climático, o noso futuro, a nosa opción” que estará aberta e dirixida ao público en xeral, na Casa Habanera do 22 ao 27 de xuño de 10 a 13:30 horas en horario de mañá, e de 16 a 20 horas polas tardes.

-Cineforum coa proxección do documental “Manual de uso para unha nave espacial”, que está realizado por Amigos da Terra e que recolle diferentes percepcións sobre a implicación do cambio climático nos nosos días. Retrata diversas realidades entorno a un dos problemas máis complexos do noso tempo e plantexa a urxencia de dialogo profundo sobre as súas solucións. Posteriormente á proxección do documental terá lugar unha charla-coloquio a cargo de persoal técnico da Fundación Axencia Intermunicipal da Enerxía de Vigo (FAIMEVI) aberta a todo aquel que queira participar. Esta actividade terá lugar no Centro Social e Cultural Casa Habanera de Guitiriz (rúa do concello nº 42) o día 26 ás 19:30.


23/06/2009

0 comentários :

Danos a túa opinión