IX Ruta Chairega


Redacción

O Instituto de Estudios Chairegos, como vén sendo habitual dende a súa fundación, organiza a tradicional Ruta Chairega, que este ano alcanza xa a súa novena edición.

Celebrarase o vindeiro domingo, día 14 de xuño, percorrendo, nesta ocasión, unha parte da Ruta de Sendeirismo MIÑO-EO, aló polas terras de Meira. A distancia total será de 12 km, aproximadamente

Cando remate a ruta, haberá que repoñer forzas coa comida que se realizará nesta ocasión nun restaurante da zona.

A cuota que haberá que pagar será de 20 € por adulto (inclúe a comida e o autobús), sendo de balde para os menores -que deberán ir acompañados-.

O traslado dos participantes nesta ruta farase en autobús dende Vilalba deica o inicio da ruta, por terras de Meira, saíndo das inmediacións da Pravia (Casa da Cultura) ás 9,00 horas e retornando pola tardiña, a iso das 6 da tarde, tamén en autobús.

Os interesados/as poden apuntarse contactando con algunha das persoas integrantes da Xunta Directiva do IESCHA ou dirixíndose a calquera dos teléfonos seguintes: 639-246459, 651-361628 ou 670-514801 (polas tardes).

09/06/2009

0 comentários :

Danos a túa opinión