Logotipo único para o Xacobeo 2010

Redacción

O Pleno do Consejo Jacobeo reunido onte día 17 de xuño en Madrid, aprobou a proposta presentada pola Xunta de Galicia o pasado 28 de maio para o emprego do logotipo único do Xacobeo (con X) no vindeiro Ano Santo. Deste xeito, unifícase en todas as comunidades autónomas a imaxe promocional do Xacobeo para todos os actos que se celebren no 2010 tal como defendeu a delegación galega formada polo conselleiro de Cultura e Turismo, Roberto Varela, o de Presidencia, Alfonso Rueda, e maila secretaria xeral para o Turismo, Carmen Pardo.

No Pleno participaron a ministra de Cultura, o secretario de Estado de Turismo, a subsecretaria do Ministerio de Facenda, representantes do Ministerio de Medio Ambiente, Rural e Mariño, así como conselleiros das comunidades autónomas de Galicia, Asturias, Cantabria, Aragón, Castela e León e máis a presidenta da SECC (Sociedade Estatal de Conmemoracións Culturais).

Na reunión do Consejo Jacobeo reiterou
se tamén, a petición da Xunta de Galicia, para que o logotipo único do Xacobeo sexa promovido a nivel internacional. Esta proposta queda á espera da decisión final de Turespaña. O Pleno aprobou as directrices aprobadas pola Comisión na súa reunión do 28 de maio que os sponsor teñen que cumprir cos seus patrocinios. Asemade, acordou atribuír ás Administracións que forman parte do Consejo Jacobeo a execución dos beneficios fiscais que a posteriori o Consejo deberá certificar.

Como novidade, este Ano Santo, todas as empresas que patrocinen o Xacobeo gozarán dos beneficios fiscais máximos que a lei do mecenazgo permite. A deducción por patrocinios do Xacobeo 2010 farase, principalmente, a través do imposto de sociedades e as empresas poderán aplicar dita deducción nun prazo de dez anos, ata que teñan un imposto positivo.

A delegación do Goberno galego presentou ao Pleno do Consejo Jacobeo tres propostas a desenvolver no vindeiro Ano Santo. Ditas aportacións serán tidas en conta grazas ao tempo excepcional que a Comisión outorgoulle á Xunta de Galicia unha vez que se esgotara o prazo adicado a tal cometido sen que o anterior Goberno tivera presentada ningunha iniciativa.

Os proxectos entregados hoxe céntranse en tres ámbitos: literario, musical e audiovisual. Escritores no Camiño, Un piano no Camiño e Os Camiños de Santiago no Camiño de Santiago son os tres proxectos que foron ben recibidos polo Pleno do Consejo e que agora se someterán a análise para a súa posterior aprobación e posta en funcionamento.

Imaxe: MXM

18/06/2009

0 comentários :

Danos a túa opinión