RedacciónMáis de douscentos participantes intervirán no IX Congreso da Asociación Internacional de Estudos Galegos (AIEG), que terá lugar do 13 ao 17 de xullo en Santiago de Compostela, Vigo e A Coruña. Convocado baixo o epígrafe “Galiza nos contextos globais: perspectivas para o século XXI”, o congreso conta coa activa colaboración das tres universidades galegas e do Consello da Cultura Galega, onde hoxe foi presentado o programa nun acto que contou coa participación de Ramón Villares, Presidente da institución e do titular da AIEG, Burghard Baltrusch.
É a primeira vez que a AIEG celebra un congreso en Galicia desde que se puxo en marcha no comezo da década dos anos 80 do pasado século e convocou a súa primeira xuntanza na Universidade de Maine (EE.UU.). Nacida baixo o impulso de galaicistas nos Estados Unidos, a AIEG viuse reforzada notablemente na década dos 90 coa creación e expansión dos Centros de Estudos Galegos e os correspondentes lectorados galegos, co patrocinio e financiamento da Xunta de Galicia.
O programa do IX congreso da AIEG, explicou o seu presidente Burghard Baltrusch, ofrece 27 mesas redondas, nas que intervirán 130 relatores) e 79 relatorios individuais. A metade dos participantes veñen de fóra. 20 proceden dos Estados Unidos, 16 do Brasil e outros grupos de Gran Bretaña, Rusia, Italia e Alemaña, entre outros países.
A conferencia inaugural, o día 13 de xullo ás 12 horas, no Salón Nobre do Palacio de Fonseca, en Santiago de Compostela, corresponderá a John Rutherford (Universidade de Oxford), que falará sobre “Os estudos galegos nos contextos globais”.
A de clausura, o día 17 de xullo ás 16´30 horas, na Reitoría da Universidade da Coruña, estará ao cargo de Ramón Villares, Presidente do Consello da Cultura Glaega, que se referirá a “Ramón Piñeiro e a cultura galega no exterior”.
Ademais das tres universidades e o Consello da Cultura Galega, colaboran neste congreso os concellos de Santiago, Vigo e A Coruña, a Consellería de Cultura, a Secretaría Xeral de Política Lingüística e tamén a Real Academia Galega, o Instituto da Lingua Galega e a Asociación de Escritores en Lingua Galega.
<>A información detallada do programa do congreso pode verse en:
www.estudosgalegos.org
É a primeira vez que a AIEG celebra un congreso en Galicia desde que se puxo en marcha no comezo da década dos anos 80 do pasado século e convocou a súa primeira xuntanza na Universidade de Maine (EE.UU.). Nacida baixo o impulso de galaicistas nos Estados Unidos, a AIEG viuse reforzada notablemente na década dos 90 coa creación e expansión dos Centros de Estudos Galegos e os correspondentes lectorados galegos, co patrocinio e financiamento da Xunta de Galicia.
O programa do IX congreso da AIEG, explicou o seu presidente Burghard Baltrusch, ofrece 27 mesas redondas, nas que intervirán 130 relatores) e 79 relatorios individuais. A metade dos participantes veñen de fóra. 20 proceden dos Estados Unidos, 16 do Brasil e outros grupos de Gran Bretaña, Rusia, Italia e Alemaña, entre outros países.
A conferencia inaugural, o día 13 de xullo ás 12 horas, no Salón Nobre do Palacio de Fonseca, en Santiago de Compostela, corresponderá a John Rutherford (Universidade de Oxford), que falará sobre “Os estudos galegos nos contextos globais”.
A de clausura, o día 17 de xullo ás 16´30 horas, na Reitoría da Universidade da Coruña, estará ao cargo de Ramón Villares, Presidente do Consello da Cultura Glaega, que se referirá a “Ramón Piñeiro e a cultura galega no exterior”.
Ademais das tres universidades e o Consello da Cultura Galega, colaboran neste congreso os concellos de Santiago, Vigo e A Coruña, a Consellería de Cultura, a Secretaría Xeral de Política Lingüística e tamén a Real Academia Galega, o Instituto da Lingua Galega e a Asociación de Escritores en Lingua Galega.
<>A información detallada do programa do congreso pode verse en:
www.estudosgalegos.org
0 comentários :
Danos a túa opinión