XIII Premio de pintura Terras de Iria

Redacción

O venres 11 de xuño ás 19:30 horas terá lugar no Convento do Carme, centro colaborador do certame, o acto de entrega de premios e inauguración da exposición da décimo terceira edición do Premio de pintura Terras de Iria.

Os Concellos de Padrón, Rois e Dodro, e a empresa Aluminios Cortizo SA, organizan e patrocinan o Premio de pintura Terras de Iria cuxo obxectivo é promocionar tanto a artistas noveis como consolidados e achegar ao público o pulso da creación actual. Este ano cumpre a súa décimo terceira edición nun contexto de alta participación e progresiva apertura cara ao ámbito internacional.

Participación
Na presente edición, o número de solicitudes de participación elevouse a 328 artistas, o que supón un éxito de convocatoria, cun incremento do 40 por cento con respecto ao ano anterior e que manifesta a progresión crecente de proxección que viña constatando e a consolidación do certame.

O grao de internacionalización vese reflectido na procedencia dos artistas inscritos. Destacan dúas grandes áreas, por unha banda, Latinoamérica, e doutra banda, Europa. Con respecto aos países de orixe sobresaen: Arxentina, México, Colombia, Guatemala e Porto Rico, e no espazo europeo Portugal, Italia e Romanía.

Xurado e selección
O xurado do XIII Premio de pintura Terras de Iria, presidido polo alcalde de Padrón D. Camilo Forján, está integrado por Dna. Pilar Corredoira (Historiadora de Arte Contemporánea e Coordinadora exposicións Casa dá Parra), D. José María Manzano (Directora Arte Manz Espazo de arte SL), Dna. Fátima Otero (Crítica de arte e Directora do programa Espazos de arte TV Correo), D. Manuel Quintana Martelo (Artista plástico) e Dna. Mónica Borrás (Secretaria, con voz e sen voto).

Con gran profesionalidade e criterio, o xurado seleccionou as 26 obras que conformarán a exposición da presente edición do Premio de pintura Terras de Iria. Deste xeito harmonizar e equilibra unha mostra de gran solidez e pluralidade.

Exposición
Co acordo xeral da calidade das obras presentadas, a relación de obras e artistas da exposición é a seguinte:
  • Ruch de Ronda Bautista
  • El nido vacío de Manuel Bouzo
  • ADI-Desastres-I de Manuel Busto
  • Pretexto para un bodegón de Nacho Costa Beiro
  • S/T de Eugenia Cuéllar
  • Shiny People de Javier Chozas
  • Los guapos de Antonio Díaz
  • Reed door de Mónica Dixon
  • Muro negro de Encarnación Domingo
  • Soledad mi fiel compañera de Yolanda Dorda
  • Accesories de Gloria Herazo
  • Serie Cartografías del abandono de Guillem Juan Sancho
  • Círculos de agua y cielo de Maurizio Lanzillotta
  • Constructions in a Church de Gil Maia
  • Luces y Sombras de José Antonio Marticorena Veloso
  • Paul y Duque juegos de fuerza de Joseba Muruzábal
  • Sin título de María Parejo Barroso
  • Plaza de abastos de Marleen Pauwels
  • Susurros de blancos de Francisco Pazos
  • Serie refuxios de Xavier Ríos
  • Non estabas II de Carmen Rivas
  • Kirsten, 1975 de Gonzalo Sellés
  • S/T de Ana Seoane Suárez
  • Tetris (Desguace XXX) de Jesús Susilla
  • Dibujando el tiempo de Mª José Villaverde Belaustegui
  • KRL1002 de Juan Zurita

Vinte e seis obras seleccionadas integrarán a exposición que se inaugurará o vindeiro venres 11 de xuño ás 19:30 horas no Convento do Carme de Padrón, centro colaborador do certame.

Acto de entrega dos premios

Neste día darase a coñecer e farase acto de entrega aos artistas premiados. A dotación para o primeiro premio sitúase entre os máis importantes da Comunidade e o escenario artístico cunha contía de 8.000 euros e un segundo premio de 3.000 euros.

Na mesma sesión, poderase asistir ao espectáculo de música e poesía Olladas do grupo Segreis.

09/06/2010

0 comentários :

Danos a túa opinión