Viñetas desde o Atlántico

Redacción

Desde onte e até o próximo 15 de agosto, A Coruña acolle a duodécima edición de Viñetas desde o Atlántico, festival de cómic de carácter anual que organiza a Concellaría de Cultura e que programa actividades diversas: exposicións, charlas, conferencias e debates con artistas invitados internacionais, entre os que figuran Dave McKean, Carlos Pacheco ou Raule e Roger. Esta ampla oferta complétase cunha feira de libreiros e editores na que se presentan as principais novidades editoriais deste sector. Hai que destacar que o acceso á feira e ao conxunto dos seus espazos é aberto e gratuíto. Destaca na axenda do evento a mostra dedicada a Will Eisner que até o 22 de agosto permanecerá aberta no Kiosko Alfonso e que recollerá ferros orixinais dos seus distintos traballos, como Contrato con Deus, The Spirit ou O corazón da tormenta, expostas por primeira vez en Galicia.

10/08/2010

0 comentários :

Danos a túa opinión