Redacción.-
O vindeiro sábado 6 de novembro, a AC. Eme de Meira asará castañas desde as 18:00 da tarde de xeito gratuíto para todas as persoas que se acheguen até a Praza do Convento de Meira. A nota festiva poñeraa o grupo de música tradicional Leña Verde de Pol, en formato acústico, que actuará grazas á colaboración da Área de Cultura da Deputación de Lugo.
A Asociación Cultural Eme de Meira organiza de novo, por terceiro ano consecutivo, o tradicional magosto popular na Praza do Convento da vila. A asociación asará o vindeiro sábado entre 50 e 100 kg de castañas para todas as persoas que se acheguen aos galpóns da Praza do Convento, que tamén poderán bailar coa mellor música tradicional da man do quinteto, en formato acústico, da agrupación Leña Verde de POl, cuxa actuación foi sufragada pola Área de Cultura da Deputación de Lugo. Para rematar, farase o esconxuro da queimada para purificar con augardente do país as almas dos alí presentes. A AC. Eme de Meira volve a organizar o magosto neste particular enclave, a carón do mosteiro cisterciense símbolo, xunto co Pedregal de Irimia, da vila, pola excelente acollida que esta actividade tivo o ano pasado e pola inestimable colaboración veciñal deste barrio meirego.
O presidente de Eme de Meira, Nacho Eiros, salientou que “facer o magosto nos galpóns do Convento posibilita que a xente acuda aínda que chova, ao ser un recinto cuberto e moi recollido, para compartir animadas conversas mentres se comen as castañas asadas”. Ademais, Nacho Eiros salientou que a Asociación repite o magosto “porque a implicación veciñal é total, polo que desde Eme de Meira non podemos ter máis que palabras de agradecemento a todas e todos os veciños do Convento que sempre están dispostos a botar unha man no que faga falta”.
Do mesmo xeito, desde Eme de Meira quíxose agradecer o continuo apoio dunha institución como a Deputación de Lugo, que a través da súa Área de Cultura non só sufragou a actuación musical deste magosto, senón que apoiou á asociación meirega en múltiples actividades que leva realizado ao longo do ano. Grazas a este respaldo, Eme de Meira converteuse aos 3 anos da súa existencia nun colectivo cultural de referencia na comarca, xa non só por superar amplamente nese breve período o cento de socios e socias, senón polo número e o éxito das actividades que organiza, desde o campamento urbano para nenas e nenos ata a mostra de cine meirego ou os festivais Expresións Espontáneas.
Eme de Meira conta tamén en ocasións co apoio do Concello de Meira para a organización das súas actividades e, segundo expuxo o presidente da asociación, Nacho Eiros, “agardamos que o Concello teña en conta o gran traballo cultural que Eme de Meira está a realizar na vila desde a súa posta en marcha e que apoie como se merece este proxecto cultural patrimonio de todos e todas os meiregos, veciños e veciñas da comarca e xente de todos os lugares que participa tamén das actividades”.
A Asociación Cultural Eme de Meira organiza de novo, por terceiro ano consecutivo, o tradicional magosto popular na Praza do Convento da vila. A asociación asará o vindeiro sábado entre 50 e 100 kg de castañas para todas as persoas que se acheguen aos galpóns da Praza do Convento, que tamén poderán bailar coa mellor música tradicional da man do quinteto, en formato acústico, da agrupación Leña Verde de POl, cuxa actuación foi sufragada pola Área de Cultura da Deputación de Lugo. Para rematar, farase o esconxuro da queimada para purificar con augardente do país as almas dos alí presentes. A AC. Eme de Meira volve a organizar o magosto neste particular enclave, a carón do mosteiro cisterciense símbolo, xunto co Pedregal de Irimia, da vila, pola excelente acollida que esta actividade tivo o ano pasado e pola inestimable colaboración veciñal deste barrio meirego.
O presidente de Eme de Meira, Nacho Eiros, salientou que “facer o magosto nos galpóns do Convento posibilita que a xente acuda aínda que chova, ao ser un recinto cuberto e moi recollido, para compartir animadas conversas mentres se comen as castañas asadas”. Ademais, Nacho Eiros salientou que a Asociación repite o magosto “porque a implicación veciñal é total, polo que desde Eme de Meira non podemos ter máis que palabras de agradecemento a todas e todos os veciños do Convento que sempre están dispostos a botar unha man no que faga falta”.
Do mesmo xeito, desde Eme de Meira quíxose agradecer o continuo apoio dunha institución como a Deputación de Lugo, que a través da súa Área de Cultura non só sufragou a actuación musical deste magosto, senón que apoiou á asociación meirega en múltiples actividades que leva realizado ao longo do ano. Grazas a este respaldo, Eme de Meira converteuse aos 3 anos da súa existencia nun colectivo cultural de referencia na comarca, xa non só por superar amplamente nese breve período o cento de socios e socias, senón polo número e o éxito das actividades que organiza, desde o campamento urbano para nenas e nenos ata a mostra de cine meirego ou os festivais Expresións Espontáneas.
Eme de Meira conta tamén en ocasións co apoio do Concello de Meira para a organización das súas actividades e, segundo expuxo o presidente da asociación, Nacho Eiros, “agardamos que o Concello teña en conta o gran traballo cultural que Eme de Meira está a realizar na vila desde a súa posta en marcha e que apoie como se merece este proxecto cultural patrimonio de todos e todas os meiregos, veciños e veciñas da comarca e xente de todos os lugares que participa tamén das actividades”.
0 comentários :
Danos a túa opinión