Fallo do XXXVII Certame Literario de Vilalba

Redacción.- No serán de hoxe fíxose público o fallo da XXXVII  edición do Certame Literario do Concello de Vilalba, así como a presentación dos poemarios  premiados na edición anterior: Na intimidade do azougue, de Pablo Bouza, gañador do primeiro premio,  e Nos labirintos da alma, de Martiño Maseda Lozano, que obtivo o segundo galardón.


O acto tivo lugar na Casa da Cultura de Vilalba ás 20 horas e comezou coa intervención de Xulio Xiz, secretario do xurado, que deu lectura á acta do fallo do certame. O primeiro premio, dotado con 3000 €, flor natural e diploma, foi para Carlos Pereira Martínez de A Coruña, polo poemario Río Alzheimer; o segundo premio, dotado con 1000 €, flor natural e diploma, recaeu en Martiño Maseda Lozano, de Xoibán (Vilalba) polo poemario Entre as paredes do silencio.  Asemade, o xurado acordou crear unha mención especial, dotada con diploma e flor natural, para o poemario Trinta cantigas e cinco alalás, autoría de Marcial González Vigo, de Lugo.
A continuación, cada un dos poetas presentou o seu respectivo libro publicado polo Concello de Vilalba na editorial Espiral Maior, cerrando o acto o concelleiro de Cultura, Xosé María García –Leira Boado.

25/08/2011

0 comentários :

Danos a túa opinión