As San Lucas de Mondoñedo

Redacción.-

No mes de outubro celébranse en Mondoñedo as San Lucas, unha das máis importantes feiras tradicionais de Galicia. A orixe das festas das San Lucas atribúese ao bispo Martín, que as iniciaría para celebrar a consagración da catedral en 1246.
Pero todo apunta a que o seu inicio remóntase a 1156, ano no que Alfonso VII concedeu unha festa de oito días.

As feiras das San Lucas, que nos seus tempos, chegaron a durar quince días, son fundamentalmente de gando montaraz. Hoxe en día a duración das festas é de cinco días:
-O día 16 de outubro é o comezo as festas. Chámse xornada das "Revésperas". Este día ten lugar o pregón co que se abre oficialmente a festa.
-A xornada do 17 de outubro celébrase o día das "Vésperas".
-O día 18 de outubro é o de "As San Lucas", celébrase a feira e vívese unha intensa xornada de festa con diversas orquestras e outras actuacións.
-O día 19, "Día do Medio", vívese outra xornada de festa na cidade.
-Finalmente, o día 20 terminan as festas. É o día das "Maulas", xornada na que os feirantes venden os últimos produtos que quedan e que reciben o nome de Maulas.

24 de set. de 2011

0 comentários :

Danos a túa opinión