Prantacións ilegais de eucalipto

Redacción.-


Unha comitiva do Sindicato Labrego Galego desprazarase até unha finca no concello do Pino para protestar contra as plantacións forestais que non respectan as distancias que esixe á lei con respecto ás fincas agrarias adxacentes. A pesares de oficializarse denuncias, este tipo de plantíos seguen impunes e afectando gravemente ás producións agrogandeiras, un problema xeneralizado en toda Galiza. Neste caso concreto, iremos até unha leira de millo afectada por un plantío de eucaliptos que chega a escasos centímetros das súas estremas.

Para facilitar o labor dos medios de comunicación, estableceuse un punto de encontro dende o cal nos desprazaremos, xornalistas e representantes do Sindicato Labrego Galego, cara á plantación denunciada. Este lugar está no quilómetro 702 da estrada N-634 (Santiago de Compostela-Curtis) e a hora de encontro será as 11:30.

18/09/2011

0 comentários :

Danos a túa opinión