O poemario 'Loita de Silencio' cumpre 20 anos


Redacción.-

En maio de 1993 o poeta chairego Miguel Barrera presentaba en Vilalba o seu primeiro poemario, Loita de Silencio (Madrid, Otero Ediciones) que marcaría un fito na poesía chairega, ao ser a primeira obra dunha nova xeración de poetas que, tras del, non tardarían en ver a luz. Agora, cando se cumpren vinte anos da súa publicación, A Voz de Vilalba quere facerlle unha homenaxe recuperándoo para os seus lectores co gallo do Día das Letras Galegas, no que se poderá descargar desta mesma web. A portada do poemario Loita de Silencio foi deseñada polo pintor vilalbés Xosé Lafuente, mentres o limiar correu a cargo do xornalista Moncho Paz, que naqueles anos coincidiu en Madrid con Barrera e con outros poetas do chamado "grupo Bilbao".

(Na imaxe que acompaña a este texto pode verse, no centro, a Miguel Barrera no acto de presentación en 1993 acompañado de Agustín Baamonde, á esquerda, e Alfonso Baamonde, á súa dereita).

14/05/2013

0 comentários :

Danos a túa opinión