"Radio Bulebule" na Casa Museo Manuel María

Redacción. -

Paco Nogueiras estará este sábado, 26 de xaneiro, ás 18 horas, na Casa-Museo Manuel María, co seu traballo musical “Radio Bulebule”.

O medio radiofónico é o inspirador deste espectáculo recollido tamén nun libro-CD composto de doce cancións en que a modo de programación dunha peculiar emisora non faltan a sintonía de entrada, a axenda cultural, o faladoiro, o magazine de variedades, a música, as noticias, o deporte, a previsión metereolóxica…

Paco Nogueiras convidará ás persoas que se acheguen a participar e a vivir en directo dunha radio itinerante, ambulante e cantante, chea de colorido e expresividade, e con composicións e melodías de ritmos modernos, pegadizos e bailábeis.

O espectáculo está recomendado para nenas e nenos entre os 5 e os 11 anos e as súas familias e as persoas interesadas en asistir poden reservar a entrada a través do seguinte correo:contacto@casamuseomanuelmaria.gal

23 de xan. de 2019

0 comentários :

Danos a túa opinión