Redacción. -
As mulleres chairegas sairán ás rúas de Vilalba este 8 M, como veñen facendo dende hai anos, porque lamentablemente seguen a sobrar motivos para que nos mobilicemos.
A pandemia veu agravar as violencias machistas, aumentou a carga do traballo de coidados, afondou en todas as fendas sociais e precarizou aínda máis os traballos e as vidas de todas as mulleres.
Por iso segue o compromiso na loita contra a explotación dos corpos e vidas, negándose a que sexan as vidas das mulleres as que se sacrifiquen e sometan para que o sistema siga funcionando.
Porque sabemos que unha vida digna de ser vivida pasa por mudar as lóxicas patriarcais, capitalistas e coloniais. Baixo o lema escollido polo feminismo galego NIN ESCRAVAS NIN HEROÍNAS, MULLERES CON DEREITOS XA!, as mulleres da Chaira onvidan a participar nos actos organizados para a tarde do 8 M en Vilalba:
Ás 17,45 h na Casa da Cultura haberá un obradoiro dirixido por Noelia Darriba: 8 M: do individual ao colectivo.
Ás 20 h na Praza da Constitución haberá unha concentración na que se dará lectura ao Manifesto de Galegas 8 M.
Os actos rematarán cunha performance a cargo da Escola Municipal de Teatro, Mírame!
Hoxe e sempre: abaixo o patriarcado capitalista e colonial! Adiante a loita feminista!
0 comentários :
Danos a túa opinión