Actividades na Casa das Insuas

Redacción. -

O próximo fin de semana ven cargado de actividades na Casa das Insuas.

O sábado 21 de maio, de 10:00 a 14:00 e de 16:00 a 20:00, teremos na Casa das Insuas un Obradoiro de Revoco con barro, sendo unha xornada eminentemente práctica para aprender a realizar os nosos proxectos de bioconstrución. O obradoiro é de balde pero é preciso anotarse.
O domingo 22 de maio de 10:30 a 18:00 realizaremos unha saída ó campo para a busca e observación de anfibios e réptiles na Reserva da Biosfera Terras do Miño. Desprazarémonos en vehículos propios a diferentes zonas húmidas da Reserva e fará falla roupa e calzado de campo e bebida e comida de campo.

Podes inscribirse na páxina web da AGCT: https://www.custodiadoterritorio.org/actividades e máis información en custodiaterritorio@gmail.com ou no 670-51.48.88 (revoco de barro) ou 630-94.82.93 (observación anfibios e réptiles).

17 de maio de 2022

0 comentários :

Danos a túa opinión